आउदो पुष २७ गते देखी प्रदर्शनमा आउन लागेको फिल्म ‘पर्खी बसे तिमीलाई’को ट्रेलर युट्युबमा सार्वजनिक गरिएको छ । सार्वजनिक ट्रेलरमा फिल्मका मुख्य कलाकार किरण श्रेष्ठ, रक्षा बुढाथोकी र अनिसा रसाइली सँगै शिव श्रेष्ठ, सुनिता श्रेष्ठ, विल्सन विक्रम राई र मनिष श्रेष्ठ देखिएका छन ।
माया, प्रेम,बिछोड समेटिएको ट्रेलरमा पठाओ चलाउदै आएका एक युवा सङ्ग जब एक युवती प्रेममा पर्छिन त्यसपछी आउने उतारचडाबलमा फिल्मको कथा बगेको देखिएको छ । दीपक श्रेष्ठको निर्देशनमा तयार भएको फिल्ममा राजाराम बुढाथोकी निर्माता रहेको छन ।
राम्रा फिल्म निर्देशन गर्ने निर्देशकको रुपमा गनिएका दिपकले यसपाली दर्शकलाई लभ स्टोरीको मिठो स्वाद चखाउने देखिएको छ । फिल्मको ट्रेलरमा नयाँ कलाकार द्वय किरण र रक्षाको काम हेर्दा उनिहरु अबको नेपाली फिल्मी क्षेत्रमा बिक्ने देखिन्छन । दुबैको अभिनय निकै राम्रो छ ।
शम्भुजित बास्कोटा, महेश खड्का, दीपक शर्मा र बाबुल गिरीको संगीत रहेको यो फिल्ममा रामजी लामिछानेको कोरियोग्राफी, संकल भुजेलको डीओपी, परिच्छेद सेन र पुरुषोत्तम ढुङ्गेलको कथा, पटकथा तथा संवाद, भूपेन्द्र अधिकारीको सम्पादन छ । फिल्मको ट्रेलरले फिल्म प्रती आशा जगाईदिएको छ ।
