रत्ननगर । रत्ननगर वडा नं ८ स्थित बाघमरा खेलमैदानमा आयाेजना गरिएकाे वडा स्तरीय फुटवलकाे उपाधि वडा नं ९ ले जितेकाे छ । शनिवार सम्पन्न फाइनल प्रतिस्पर्धामा वडा नं १४ लाई शुन्यका विरुद्ध एक गाेल अन्तरले पराजित गर्दै वडा नं ९ ले उपाधि जित्न सफल भएकाे हाे । उपाधि हात पारेकाे वडा नं ९ ले ५० हजार नगद पुरस्कार सहित शिल्ड मेडल र प्रमाणपत्र प्राप्त गरेकाे छ । वडा नं ९ काे जितका लागि सुचित चाैधरीले निर्णायक गाेल गरेका थिए । प्रतियाेगितामा दाेस्राे भएकाे वडा नं १४ ले २५ हजार नगद सहित शिल्ड,मेडल र प्रमाणपत्र प्राप्त गरेकाे छ । रत्ननगर नगरपालिकाका मेयर प्रलाद सापकाेटा र खेलकुद विकास समितिका संयाेजक कृष्ण चाैधरीले उपाधि हस्तान्तरण गरेका थिए । साे अबसरमा मेयर सापकाेटाले मेयर कप फूटवलकाे लागि वडा स्तरीय फुटवल आयाेजना गरिएकाे भन्दै खेलाडीकाे बृद्धिविकासकाे लागि याेजना बनाएर काम गरिरहेकाे बताए । नगर खेलकुद विकास समितिकाे व्यवस्थापनमा रत्ननगर नगरपालिकाले मेयर कपका लागि खेलाडी छनाेट गर्न साे प्रतियाेगिता आयाेजना गरेकाे हाे । प्रतियाेगितामा १६ टिमकाे सहभागिता रहेकाे थियाे । समापन कार्यक्रम संयाेजक चाैधरीकाे अध्यक्षतामा भएकाे थियाे ।
