असोज १९,चितवन । नेकपा एकीकृत समाजवादीको जागरण अभियान अन्तर्गत आज चितवनको भण्डारा र भरतपुरमा कोणसभा गरिएको छ । कोणसभामा हजारौं कार्यकर्ता तथा सुभेच्छुकहरुको उपस्थिति रहेको थियो । भण्डारामा आयोजित कोणसभालाई सम्बोधन गर्दै पुर्व प्रधानमन्त्री झलनाथ खनालले देशको शासन सत्ता दलाल पुँजीवादीमा सिमित रहेको बताए । जव सम्म दलाल पुँजीवाद जारि रहन्छ तव सम्म साना किसान तथा व्यवसायीले उन्नति गर्न नसक्ने भन्दै समाजवाद नै जनताको भोलिको आवस्यकता रहेको औल्याए ।
भरतपुरको कोणसभालाई सम्बोधन गर्दै पुर्व प्रधानमन्त्री तथा नेकपा एसका अध्यक्ष माधव कुमार नेपालले अहिलेको समयमा प्रचण्ड सरकारको कुनै विकल्प नरहेको बताए । उनले भने, ‘अहिले अरु कुनै सरकार बन्नसक्ने सम्भावना छैन । अर्को कुनै विकल्प छैन । हामी सामेल सरकारलाई सही दिशामा अघि लिएर जान भूमिका खेल्नुपर्छ । देशको राजनीतिलाई सही दिशामा अगाडि बढाउन समाजवादी मोर्चा पनि बनाएका छौं । वामपन्थी शक्तिहरुलाई एकै ठाउँमा गोलबन्द गरेका छौं । लोकतान्त्रिक र देशभक्त शक्तिहरुलाई अगाडि लिएर जान्छौं ।’ नेता नेपालले प्रतिगमनकारीहरुले अहिले पनि यो व्यवस्थालाई भत्काउने योजना बनाइरहेको आरोप लगाए ।
कोणसभामा भएको पार्टी प्रवेस कार्यक्रममा भण्डारामा ८० जना त्यस्तै भरतपुरमा ४० जनाले नेकपा एमाले लगायत अन्य पार्टी छोडेर नेकपा एकीकृत समाजवादी प्रवेस गरेका छन् । नवप्रवेसी हरुलाई पार्टि अध्यक्ष लगायतका नेताहरुले फूलमाला र खादा लगाएर स्वागत गरेका थिए ।
