रत्ननगर,जेठ ३ ।
रत्ननगर नगरपालिका वडा नम्बर १६ मा रहेको पिठुवा स्वास्थ्य चौकीमा कार्यरत कर्मचारीको निधनमा नगरपालिकाले आज बुधबार शोक विदा दिएको छ । स्वास्थ्य चौकीमा कार्यरत कार्यालय सहयोगी शारदा रिजालको निधनमा नगरपालिकाले शोक विदा दिएको हो । नगर प्रमुख प्रलाद सापकोटा र प्रमुख प्रशासकीय अधिकृत छबिलाल सुवेदीद्वारा हस्ताक्षरित सुचनामा रिजालको निधनले नगरपालीका परिवार मर्माहत भएको भन्दै नगरपालिका अर्न्तगतका सबै वडा कार्यालयहरु, स्वास्थ्य संस्थाहरू, कृषी पशु सेवा केन्द्रहरुमा शोक विदा दिइएको उल्लेख गरिएको छ ।
