चितवन : नयाँ वर्ष २०८० को अवसर पारेर भरतपुर महानगरपालिकाले रक्तदान कार्यक्रम गरेको छ । बिहीबार भरतपुर महानगरपालिका परिसरमा भएको कार्यक्रमको उद्घाटन महानगर प्रमुख रेनु दाहालले गरिन् ।
कार्यक्रम ब्लड डोनर सोसाईटी नेपालको सहकार्य, प्रादेशिक रक्त सञ्चार केन्द्र भरतपुरको प्राविधिक सहयोग तथा महानगरपालिकाको सहकार्यमा भएको हो । महानगर प्रमुख दाहालले रक्तदातालाई ब्लड ब्याग हस्तान्तरण गरेर कार्यक्रमको उद्घाटन गरिन् । ‘हस्पिटल सिटी’का रुपमा परिचित भरतपुरमा हुने रगतको अभावलाई मध्यनजर राख्दै युवा सञ्जाल भरतपुरले प्रत्येक वर्ष रक्तदान कार्यक्रम गर्दै आईरहेको छ ।
