चितवन। राष्ट्रिय स्वतन्त्र पार्टीका सभापति रवि लामिछानेले आफूलाई मुद्दामाथि मुद्दा हालेर सिध्याउने षड्यन्त्र भइरहेको बताएका छन्। चितवन क्षेत्र नम्बर-२ को उपनिर्वाचनमा उम्मेदवार बनेका लामिछानेले भरतपुरमा आयोजित कोणसभालाई सम्बोधन गर्दै आफूलाई मुद्दामाथि मुद्दा हालेर सिध्याउने षड्यन्त्र भएको बताएका हुन्।
चितवन क्षेत्र नम्बर-२ को उपनिर्वाचनको तयारीका क्रममा मतदाताहरुसँग उनले भने, ‘म मुद्दा लड्न डराउँदिन, यी षडयन्त्रहरूबाट निस्कन सक्ने साहस भने मलाई दिनुस्।’
उनले आफूविरुद्ध विदेशमा गएर मुद्दा हाले पनि नडराउने र अबको ५ वर्षपछि राष्ट्रिय स्वतन्त्र पार्टीको एकल सरकार बनाउने समेत घोषणा गरे।
