चितवन, ४ चैत । युथ क्लब नारायणगढको अध्यक्षमा शालिग्राम नेपाल सर्वसम्मत निर्वाचित हुनु भएको छ ।
सस्थाको सभाहलमा शनिवार भएको ४९ औ साधारणसभा तथा २५ औ अधिवेशनबाट नेपालको नेतृत्वमा नयाँ कार्यसमिति निर्वाचित गरेको हो । सस्थाको उपाध्यक्षमा दयाराम कडेल, महासचिवमा रामचन्द्र आचार्य, कोषाध्यक्षमा अनिता नेपाली, सदस्यमा शान्ती श्रेष्ठ, केशवराज सापकोटा र बाकी रहेको दुई जना कार्यसमिति सदस्य समितिको बैठकले पछि थप गर्ने भएको छ ।
२०३६ साल जेठ २६ गते स्थापना भएको नेपालकै पुरानो सामाजिक सस्थाको रुपमा परिचित छ । सस्थाको अधिवेशनको उदघाटन सत्रमा प्रगती प्रतिवेधन, आर्थिक प्रतिवेधन प्रस्तुत गरिएको थियो । कार्यक्रममा सस्थाका पुर्व अध्यक्ष भानुप्रकाश जोशी, देवेन्द्र गुरुङ, केशवप्रसाद रेग्मी, भुवन आचार्य, हेरम्बकुमार असीम, विष्णुप्रसाद सापकोटा , लक्ष्मण बानिया, आजीवन सदस्य इश्वरकुमार श्रेष्ठ, सदस्य तीर्थ नेपाललगायतले मन्तव्य राख्नु भएको थियो ।
अधिवेशनमा पुर्व अध्यक्ष केशवप्रसाद रेग्मीको संयोजकत्वमा हेरम्बकुमार असीम, विष्णुप्रसाद सापकोटा निर्वाचन समिती चयन भएको थियो । वर्तमान कार्य समितिले पद हस्तान्तरण गरेपछि मात्र निर्वाचित नयाकार्यसमितिले पदभार ग्रहण गर्ने व्यबस्था रहेको छ । कार्यक्रम रामबाबु श्रेष्ठको अध्यक्षतामा सम्पन्न भएको थियो ।
