चितवन । जिल्ला प्रशासन कार्यालय चितवनले स्वतन्त्र विद्यार्थी युनियन (स्ववियु) निर्वाचन हुने कलेजहरुमा विद्यार्थीहरुले लगाएको ताला प्रहरी लगाएर फोडेको छ । हिजो जिल्ला प्रशासन कार्यालयमा बसेको सर्वदलीय बैठक पश्चात प्रशासनले सूचना जारी गर्दै विद्यार्थी संगठनहरुले आफैले ताला नफोडे सुरक्षा निकायको तर्फबाट उक्त तालाबन्दी हटाई निर्वाचन गराउने जनाएको थियो । सोहि अनुसार आज बिहान प्रहरीले कलेजहरुमा लगाएको ताला फोडे्को हो । जिल्लाको ११ कलेजमा विद्यार्थी संगठनहरुले विभिन्न बहानामा ताला लगाएका थिए ।
