दर्शकले रुचाए नरेश खातीको ‘मेरो मनमा तिमी’ बोलको गित

काठमाडौं ।
गायक तथा संगीतकार नरेश खातीको भर्खर सार्वजनिक भएको नयाँ गीत ‘मेरो मनमा तिमी’ गित दर्शक तथा स्रोताले रुचाएका छन् । गित सार्वजनिक भएको ४ दिनमै १ लाखभन्दा धेरैले गित हेरेका छन् । लामो समयदेखी बिभिन्न गीत लेखन, संगीत र गायनमा सक्रिए रहेका नरेशले शुक्रबार उक्त गितको भिडियो सहित सार्वजनिक गरेका हुन् । यादव पौडेलको शब्द रहेको गीतमा नरेशसँगै अन्नु चौधरीको स्वर रहेको छ । गीतमा प्रेमभाव भरिपुर्ण देखिन्छ । ‘मेरो सास भनेनी तिमी मेरो खास भनेनी तिमी । मेरो लागी धर्ति अनि आकाश भनेनी तिमी ।। मेरो मनमा तिमी यो जीवनमा तिमी । मेरो मनको मनमन्दिरमा तिम्रै नाम लेखेँ । मेरो माया बुझ्न सक्ने तिमी मात्र देखेँ ।।’ एक बिपन्न परिवारका श्रीमान र श्रीमतीले जीवन जिउनका लागी गरेको संघर्ष र उनीहरुबिचको प्रेमलाई भिडियोमा देखाइएको छ । भिडियोमा गायक नरेश स्वंयमले अभिनय गरेका छन् भने उनलाई उषा उप्रेतीले साथ दिएकी छिन् । साथै बालकलाकार सेजनी शर्माको पनि अभिनय रहेको छ । क्रान्ति केसीले निर्देशक तथा सम्पादन गरेको भिडियोको छायांकन उत्सव दाहालले गरेका हुन् । प्रणय दिवसको अवसरमै सार्वजनिक गरिएको प्रेमभाव रहेको गितलाई आम दर्शक स्रोताले मनपराउनेमा आफूहरु विश्वस्त रहेको गायक खातीले बताए । नरेशका यसअघिका ‘माया मारेर’, ‘हाम फालमकि झुन्डिएर मरम’ लगायतका गित दर्शक स्रोताले अत्याधिक रुचाएका थिए । गितको भिडियो मेक्सम नरेशको अफिसियल युटुब च्यानल मार्फत सार्वजनिक गरिएको छ ।