रत्ननगर, फागुन २
प्रणय दिवसको अवसरमा रत्ननगरमा प्रेम पत्र लेखन प्रतियोगिता गरिएको छ । रत्ननगर जुनियर जेसिजको आयोजनामा प्रतियोगिता गरिएको हो । प्रतियोगितामा प्रतिक्षा भट्टराईले लेखेको प्रेम पत्र पहिलो, पुष्प भुजेलको प्रेम पत्र दोस्रो र प्रकाश शाहले लेखेको प्रेम पत्रले तेस्रो स्थान हासिल गरेको जेसिजका अध्यक्ष सन्दर्भ खनालले जानकारी दिए । २० जना सहभागी रहेको प्रतियोगितामा अर्जुन खनाल र बसन्त आचार्य निर्णायक रहेका थिए । सुन्दरलाल श्रेष्ठको प्रमुख आतिथ्यतामा भएको कार्यक्रममा पूर्व अध्यक्ष विश्वास श्रेष्ठ, रत्ननगर १२ का वडा सदस्य राम प्रसाद पाण्डे, सुरेस जंग पाण्डे, चोक बहादुर गुरुङ्ग लगायतको उपस्थिती रहेको थियो ।
