काठमाडौं । पछिल्लो २४ घण्टामा २ सय ३ जनामा कोरोना संक्रमण पुष्टि भएको छ । कुल १ हजार ३ सय पीसीआर परीक्षणमा ८७ जना र ३ हजार ७ सय ५९ एन्टिजेन परीक्षणमा १ सय १६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा १ सय २६ जना संक्रमणमुक्त भएका छन् । नेपालमा हाल सक्रिय संक्रमितको संख्या २ हजार २ सय ३२ रहेको छ । जसमध्ये २ हजार १ सय ५२ जना होम आइसोलेसनमा रहेका छन् भने ८० जना संस्थागत आइसोलेसन र १७ जना आईसीयूमा छन् । यस्तै एक जनाको भेन्टिलेटरमा राखेर उपचार भइरहेको मन्त्रालयले जनाएको छ । मंगलबार थपिएसँगै नेपालमा कोरोना संक्रमितको कुल संख्या ११ लाख ५० हजार ५ सय ५४ पुगेको छ ।
