काठमाडौं । तारा एयरको विमान दुर्घटनामा मृत्यु हुनेहरूको शव परिवारलाई बुझाइएको छ ।
गत आइतवार पोखराबाट मुस्ताङतर्फ उडेको तारा एयरको जहाज मुस्ताङको थासाङ गाउँपालिका २ सानुसरेमा दुर्घटना हुँदा २२ जनाको निधन भएको थियो ।
निधन हुनेहरूको शव त्रिवि शिक्षण अस्पतालमा पोष्टमार्टम गरेर मृतकको परिवारलाई आज बुझाइर्एको हो । दुर्घटनामा परेको जहाज गत सोमवार बिहान फेला परेको थियो भने सोमवार र मङ्गलवार गरी दुई चरणमा शव काठमाडौँ ल्याइएको थियो ।
