चितवन,साउन ८
चितवन प्रहरीले सुजिता भण्डारीलाई आत्महत्या गर्न दुरुत्साहन गरेको आरोपमा एक जनालाई पक्राउ गरेको छ। प्रहरीले शुक्रबार पत्रकार सम्मेलन गरि एक जनालाई पक्राउ गरेको जानकारी दिएको हो । पत्रकार सम्मेलनमा प्रहरीले दिएको जानकारी अनुसार पक्राउ पर्ने सुजिताको काकाको छोरा सुकदेव भण्डारी रहेका छन् ।
लामो समयसम्म प्रेम सम्वन्ध रहेको र सुजिताले विवाहको लागि आग्रह गर्दा सुकदेवले नमानेपछि सुजिताले आत्महत्या गरेको हुनसक्ने प्रहरील जनाएको छ । अनुसन्धानको क्रममा सुजिताको र सुकदेवको मोबाइलमा भएको तस्विरहरु प्राप्त भएको भन्दै थप अनुसन्धान जारी रहेको पत्रकार सम्मेलनमा जानकारी दिइएको थियो ।
चितवनको राप्ती नगरपालिकाबाट असार ११ गतेदेखी हराएकी सुजिताको शव असार २० गते राप्ती ३ कै सामुदायिक वनमा फेला परेको थियो ।
