काठमाण्डौ,जेठ २४
सन् २०२२ मा हुने विश्वकप र २०२३ मा हुने एसिया कप दोस्रो चरणको छनोट अन्तर्गत नेपालले आज जोर्डनसँग खेल्दैछ । खेल कुवेत सिटीमा रहेको जाबेर अल अहमद अन्तर्राष्ट्रिय स्टेडियममा नेपाली सयम अनुसार राति पौने १० बजे हुनेछ ।
नेपालले यसअघि चाइनिज ताइपेईलाई २–० ले पराजित गर्दै आत्मविश्वास बढाएको छ । एसिया कपको लागि सिधै तेस्रो चरणको छनोटमा पुग्नका लागि नेपाललाई आज जित आवश्यक छ । नेपालमा भन्दा बलीयो टोली जोर्डनलाई अहिले सम्म नेपालले जित्न सकेको छैन ।
छनोटको समूह’बी’ मा रहेको नेपालले ६ खेलमा ६ अङ्क जोडेको छ । नेपाल तालिकाको चौथो स्थानमा रहेको छ । जोर्डन ५ खेलमा १० अङ्क जोडेर तेस्रो स्थानमा रहेको छ ।
