पछिल्लो २४ घण्टामा २ सय ६४ जनाको मृत्यु, ८ हजार १ सय ७३ संक्रमित थपिए

May 19, 2021 5:45 pm

काठमाडौं : नेपालमा पछिल्लो २४ घण्टामा कोभिड–१९ बाट २ सय ६४ जनाको मृत्यु भएको छ ।बुधबार जारी प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले २४ घण्टामा २ सय ४६ जनाको मृत्यु भएको जानकारी दिनुभयो ।

मन्त्रालयका अनुसार सोही समयमा पीसीआर विधिबाट ८ हजार ६४ र एन्टिजेनबाट १ सय ९ गरी ८ हजार १ सय ७३ जनामा कोभिड संक्रमण भएको छ । जसमध्ये २ हजार ४ सय ८६ संक्रमित काठमाडौं उपत्यकामै छन् ।

पछिल्लो २४ घण्टामा ७ हजार १ सय ८९ जना कोभिड संक्रमणमुक्त भएका छन् ।